“Спартак” Ўруновни суҳбатга чорлади. Мақсад аниқ!

Бир неча мавсумдан бери Россия премьер-лигаси чемпионлиги учун курашиши айтилаётган Москванинг “Спартак” клуби қайси мураббий ва футболчиларни олиб келишидан қатъи назар ўз мақсадига эриша олмаяпти.

Ўтган мавсумни “Зенит”дан кейин иккинчи ўринда якунлаган “спартакчилар” бу гал мавсум якунланишига битта ўйин қолганда ўнинчи поғонани эгаллаб турибди.

Клуб раҳбарияти ёзда таркибни қайта кўриб чиқишга қарор қилди. Россия матбуотининг ёзишича, клуб мураббийлар штаби жорий мавсумни ижарада ўтказаётган барча легионерлардан воз кечиш бўйича бир қарорга келиб бўлган.

“Матч ТВ”нинг маълум қилишича, ёзда “Спартак” таркибига ўн нафарга яқин футболчи ижарадан қайтади. Булар ҳимоячи Илья Гапонов (Россия), ярим ҳимоячилар Остон Ўрунов (Ўзбекистон), Гус Тиль ва Йоррит Хендрикс (Нидерландия), Алекс Крал (Чехия), Максим Глушенков (Россия), ҳужумчилар Эсекель Понсе (Аргентина), Педро Роша (Бразилия) ва Жордан Ларссон (Швеция).

1604212209_oston-ururnov-680x420

Юқоридаги рўйхатга тушган легионерларнинг аксарияти нуфузли жамоаларда ўйнамоқда. Хусусан, Крал “Вест Хэм”да, Понсе “Кадис”да, Роша “Атлетико Паранаэнсе”да, Ларссон АИКда, Тиль ва Хендрикс “Фейеноорл”да асосий таркиб ўйинчиларидан ҳисобланади.

Мавсум давомида жароҳати халақит қилган Остон Ўрунов ҳам  “Уфа” сафида чемпионат охирида ишончли кўрсатада бошлади ва кейинги беллашуврни бошланғич таркибда бошлаётганини кўришимиз мумкин.

Шунга қарамай, “Спартак” бошқа клублардан қайтадиган легионерларнинг барини сотиб юборишни мўлжалламоқда. Хусусан, Остон Ўрунов ҳам ўзига янги жамоа топиши керак бўлади.

Манбаларнинг таъкидлашича, “Спартак” мутасаддилари Остон Ўрунов “Уфа”дан ижарадан қайтганидан кейин легионеримиз билан индивидуал суҳбат ўтказади. Мавзу ҳам аниқ. Москваликлар бошқа керак бўлмай қолган легионерлар каби ўзбек футболчисига ўзига янги иш жойи топишни таклиф қилади.

“Спартак”нинг бу қарорга келишида клуб хўжайини Леонид Федуннинг молиявий аҳволи кескин ёмонлашгани асосий омил сифатида тилга олинмоқда. Россия матбуоти Федун русларга қўлланаётган санкциялар туфайли бойлигининг 80 фоизидан айрилганини бонг урмоқда. Пул бўлма-са, сифатли легионерлар ҳам ўйнамайди.

Москваликлар легионерлари сотиб, клуб бюджетига пул туширишни мўлжаллаб турибди. Легионер орасида Остон Ўруновга янги иш жойи топиш қийин бўлади. Аслида “Уфа”да ёзги трансферлар вақтида ўзбек футболчисининг трансферини 1 миллион еврога тўлиқ сотиб олиш ҳуқуқи бор.

Бироқ, “Уфа” спорт директори Шамиль Газизов бу трансферни амалга ошириш учун энг камида клуб премьер-лигадаги ўрнини сақлаб қолиши талаб этилишини маълум қилди. Афсуски, ҳозир 15-поғонада турган уфаликлар қуйи лигага тушиб кетмаслиги охирги турда Қозонда “Рубин”ни енгиши керак бўлади. Қозонликлар ҳам бўлажак учрашувдаги мағлубият уларни пастки лигага отиб юборишини англаб турган ҳолда, ғалабани Остоновнинг вақтинчалик жамоасига бериб қўймаса керак.

large_10

Эслатиб ўтамиз, ўтган йили ёзда Остон Ўруновга Венгриянинг “Фаренцварош” клубидан жиддий таклиф бўлгани ҳақида хабар берилган ва томонлар маош масаласида келиша олмагани учун бу трансфер амалга ошмагани айтилганди.

Остон Ўруновнинг “Спартак” билан амалдаги шартномаси яна уч мавсум давом этади. Агар ёзда унга харидор чиқмаса, москваликлар легионеримизни Миллий футбол лигасидаги иккинчи жамоасига жўнатиб юбориши мумкин.

Шомуродовга “Рома”ни Европа лигасига олиб чиқиш имкони берилади!

"Олимпико"даги сўнгги голни урган Шомуродовнинг ўйини қандай баҳоланди?

Легионеримиз ўзига Европанинг кучли лигаларига йўл очмоқда!

“Рома”нинг пўстагини қоқамиз!

Легионеримиз: Мураббий мен билан гаплашмай қўйди!

Шомуродов, энди сенга янада қийин бўлади!

 

Фикрлар

Фикр қолдириш учун авторизациядан ўтинг!