"Спартак" ва "Наполи" ғалаба қозонди, "Лестер" эса плей-оффга чиқа олмади

Европа лигаси гуруҳ босқич сўнгги туридан ўрин олган "Наполи" - "Лестер" учрашуви якунига етди. Мазкур баҳсда неаполликлар 3:2 ҳисобида рақибдан устун келди. 

Мезбонлар сафида Элмас дубль қайд этди. Шунингдек, Унас битта гол уришга муваффақ бўлди. "Тўлкилар"дан Эванс ва Дьюсбери Холл рақиб дарвозасига тўп киритди.



Шунингдек, "C" гуруҳидан ўрин олган "Спартак" - "Легия" ўйини ҳам якунига етди. Унда Бакаевнинг ягона голи баҳс тақдирини ҳал қилди. 

Ушбу гуруҳда "Спартак" 10 очко билан биринчи ўринни қўлга киритди. Шунча очко тўплаган "Наполи" иккинчи поғонадан жой олган. 8 очкога эга "Лестер" Европа конференциялар лигасида иштирок этса, "Легия" гуруҳда қолиб кетди.