Спорт курашлари. Ҳасанбой Раҳимов халқаро мусобақада совриндор бўлди

Мисрда ўтаётган спорт курашлари бўйича халқаро мусобақада Ўзбекистон терма жамоаси илк медалини қўлга киритди. Миллий Олимпия қўмитаси матбуот хизматининг хабар беришича, кечаги дастурда Ҳасанбой Раҳимов бронза медалига сазовор бўлди.

-125 кг вазн тоифасида баҳс олиб борган полвонимиз илк босқичда полшалик Камил Косёлекка мағлуб бўлди. Поляк курашчиси финалгача етиб боргач юртдошимизда бронза медали учун имконият пайдо бўлди ва у бундан унумли фойдаланди. Аҳамиятлиси, Раҳимов ўтиш босқичида ушбу вазндаги бошқа бир спортчимиз Сардорбек Холматовни, бронза медали учун курашда эса хитойлик Бенхин Дуанни доғда қолдиришга эришди.