Спорт курашлари. Осиё чемпионатини 11 та медаль билан якунладик!

Қозоғистон пойтахти Остона шаҳрида спорт курашлари бўйича қитъа биринчилиги ўз якунига етди. Унда иштирок этган Ўзбекистон терма жамоаси 1 та олтин, 5 та кумуш ва 5 та бронза, жами 11 та медалга сазовор бўлди.

Мусобақанинг якуний кунида Бобур Исломов (-86 кг) бронза медали учун кечган беллашувда ғалаба қозониб, учинчи ўринни қўлга киритди. Мазкур қитъа биринчилигида шоҳсупага кўтарилган спортчиларимизни эслаб ўтамиз:

Олтин медаль:
-67 кг: Аброр Атабоев (юнон-рум кураши)

Кумуш медаль:
-63 кг: Шермуҳаммад Шарибжонов (юнон-рум кураши)
-50 кг: Жасмина Иммаева (аёллар кураши)
-57 кг: Лайло Собирова (аёллар кураши)
-70 кг: Зафарбек Отахонов (эркин кураш)
-79 кг: Бекзод Абдураҳмонов (эркин кураш)

Бронза медаль:
-55 кг: Ихтиёр Ботиров (юнон-рум кураши)
-87 кг: Жалгасбай Бердимуратов (юнон-рум кураши)
-53 кг: Актенге Кеунимжаева (аёллар кураши)
-86 кг: Бобур Исломов (эркин кураш)
-97 кг: Махсуд Вейсалов (эркин кураш)

Манба: МОҚ