"Спортинг" раҳбари: "Дьёкерешни сотмаслик биз учун муаммо эмас"

"Спортинг" президенти Виктор Дьёкерешнинг жамоани тарк этиб, "Арсенал"га трансфери ҳақидаги маълумотларни очиқлади: 
 
"Ҳеч ким клубдан устун эмас. Агар "Арсенал" Дьёкереш учун биз талаб қилган миқдорда пул таклиф қилмаса, биз бу трансфердан воз кечамиз. 
 
Жамоа учун Дьёкереш​ни сотмаслик муаммо эмас. Агар трансфер бўлмаса, футболчи ҳозирги шартномаси асосида яна 3 йил клубда ўйнайди ва бу ҳолат клубни қониқтиради. Биз пул учун шошмаймиз, Виктор биз билан қолса ҳам, бу биз учун фойдали. Шунинг учун паст нархда сотишга мажбур эмасмиз" - дея кўплаб саволларга жавоб берди. 
 
Маълумот ўрнида, бир неча кун аввал 27 ёшли ҳужумчи клубнинг мавсумолди машғулотларига ўзининг хоҳиши сабаб, иштирок этмагани ҳақида хабарлар тарқалган эди.