Стэнли кубоги. Шарқий конференцияда дастлабки финалчи аниқланди

Тошкент вақти билан бугун тонгда "Каролина Харрикейнз" ҳамда "Нью-Йорк Айландерс" жамоалари ўзаро баҳс олиб боришди ва якунда пойтахтликлар 2:5 ҳисобида имкониятни бой беришди. Шу тариқа серияда 4:0 ҳисобида рақибдан устун келган "Каролина" Шарқий конференцияда дастлабки финалчига айланди.

Уларга келгуси босқичда "Бостон Брюинз" — "Коламбус Блю Джекетс" (2-2) қарама-қаршилигида ғолиб чиққан клубга қарши музга чиқишади.

Қайд этиш жоиз, "бўронлар" сўнгги 10 йил ичида илк бор Конференция финалига қадар етиб келишди. Сўнгги бор "Каролина" 2009 йилги мавсумда Конференция финалига чиққан ва серияда 0:4 ҳисобида "Питтсбург Пингвинз"га имкониятни бой берган.