Стерлинг АПЛнинг илк турида хет-трик қайд этган сўнгги 9 йил ичидаги илк футболчи бўлди

“Манчестер Сити” ҳужумчиси Рахим Стерлинг бугун АПЛнинг илк тури доирасида бўлиб ўтган “Вест Хэм”га (5:0) қарши ўйинда хет-трик қайд этди.

24 ёшли англиялик футболчи 51-, 75- ва 92-дақиқаларда рақиб дарвозасини ишғол этди.

Эътиборлиси, Стерлинг премьер-лиганинг илк турида хет-трик қайд этган тарихдаги 8-футболчи бўлди. Сўнгги бор бундай натижани 2010/11 йилги мавсумда “Челси” форварди Дидье Дрогба қайд этган эди.