Стивен Томпсон нима сабабдан вазн талабини бажаролмаган Перейра билан жанг қилмади?!

АҚШлик ярим ўрта вазн жангчиси​ Стивен Томпсон (17-6-1) вазн ўлчаш маросимидан сўнг нима сабабдан вазн талабини бажара олмаган бразилиялик Мишель Перейра (28-11, 2NC) билан ўзаро жанг қилмаслик истагини билдирганини изоҳлади:

"Бугун эрталабданоқ мен вазн талабини бажардим. Ўтган 11 йиллик фаолиятим давомида ҳам мен вазн талабини ҳар доим маъсулият билан бажарганман. Рақибим эса бундай қилмади. Бу вазн талабини бажара олмаган биринчи рақибим эмас. Менда олдин ҳам вазнни бажара олмаган жангчилар билан бўлган олишувдан қолган тажрибалар мавжуд. Шундай экан, нопрофессионаллик қилган жангчи билан октагонга чиқишни ўзимига эп кўрмадик!" - деди жангчи MMA Junkie нашрига берган интервьюда.