Суарес 15 мавсумдан буён бу ишни уддалаб келмоқда

“Барселона” форварди Луис Суарес бугун Ла Лиганинг 18-туридан ўрин олган “Алавес”га (4:1) қарши ўйинда гол уришга эришди.

Бу гол уругвайлик футболчи учун жорий мавсум чемпионатдаги 10-гол бўлди. Эътиборлиси, Суарес шу тариқа 15 мавсумдан буён миллий чемпионат баҳсларида камида 10 та гол уриб келмоқда.

Маълумот учун, Суарес ўзининг дебют мавсумини Уругвайнинг “Насьональ” клубида бошлаган. Шундан сўнг у “Гронинген”, “Аякс” ва “Ливерпуль” клубларида тўп сурди.