Суарес “Барса”дан ўч ололмайди
“Барселона”ни мажбуран тарк этган Луис Суарес “Атлетико”нинг асосий ҳужумчиларидан бирига айланиб қолди. Лекин уругвайлик футболчи Ла Лиганинг навбатдаги турида каталонияликларга қарши учрашувни ўтказиб юборади.
Уругвай терма жамоаси таркибида коронарусга тест топширган Суареснинг натижалари унда инфекция борлигини тасдиқлади. Бу ҳақда Уругвай футбол федерацияси расман маълум қилди.
Энди Суарес бир неча учрашувда иштирок этолмайди. Хусусан, тажрибали ҳужумчи ўз мамлакати терма жамоаси сафида 18 ноябрь куни Бразилияга қарши бўладиган баҳсда майдонга тушмайди.
Шунингдек, Суарес ўзи ўч олиш учун интизорлик билан кутган учрашув – 21 ноябрь куни “Барселона”га қарши ўйинни ҳам ўтказиб юборишга мажбур бўлади
Фикрлар