Суарес операция қилинади. У қанча вақт "Барселона"га ёрдам беролмайди?

"Барселона" клуби форварди Луис Суарес бир неча ҳафта жамоасига ёрдам беролмаслиги мумкин.

Sport.es нашри тарқатган хабарга кўра уругвайлик футболчи “Атлетико”га (2:3) қарши бўлиб ўтган Испания Суперкубоги ярим финал баҳсидан сўнг жамоа шифокорига бориб учраган. У тез орада тиббий текширувдан ўтказилади ва катта эҳтимол билан тиззасидан операция қилинади.

Шифокорларнинг сўзларига қараганда Суарес кўпи билан 3 ҳафта даволанади.

Маълумот учун, Суарес жорий мавсум “Барселона” сафида жами 23 та ўйинда майдонга тушди ва 14 та гол ҳамда 8 та голли узатмага муаллифлик қилди.