Сульшер кимни танлайди?

“Манчестер Юнайтед” янги мавсум олдидан асосий дарвозабон масаласини ҳал қилиб олиши керак. Жамоанинг асосий дарвозабони Давид де Хеа ўз фаолияти давомидаги энг ёмон мавсумини ўтказди.  У барча турнирларда ўз дарвозасига гол билан якунланган камида еттита хатога йўқ қўйди.

Шунинг учун Сульшер янги дарвозабон қидирмоқда. У “Шеффилд” таркибида ишончли ўйин кўрсатган Дин Хендерсонга имконият беришни ҳам ўйламоқда. Бу голкипер “Шеффилд”нинг премьер-лигага чиқишига ва ўтган мавсумда мусобақа жадвалининг юқори қисмидан жой олишига муносиб ҳисса қўшди.

- Мен энг зўр дарвозабонларга эга бўлган мураббийман шекилли. Ҳозир ихтиёримда Давид де Хеа, Серхио Ромеро ва ижарадан қайтаётган Дин Хендерсон каби голкиперлар бор, - деди Сульшер.

23 ёшли Дин Хендерсоннинг ўзи ҳам клубда биринчи рақам учун курашишга тайёрлигини ва унга имкон беришларини сўраган.