Сульшер: Майли, уни ҳайдаманглар!

“Манчестер Юнайтед” бош мураббийи Уле-Гуннар Сульшер франциялик ҳужумчи Антони Марсьяль бўйича фикрини ўзгартирди.

Мураббийлар штаби ва клуб хўжайинлари ўзини кўрсата олмай қолган футболчини сотиб юборишни режалаштирган эди. Бироқ, норвегиялик бош мураббий 25 ёшли ўйинчига яна бир йил имконият берадиган бўлди.

Марсьяль ўтган мавсумда жароҳат туфайли икки ой майдондан четда қолди ва ўз даражасида ўйнай олмади.

Статистика ҳам шундан далолат бермоқда. Франциялик футболчи премьер-лигада жами 22 та учрашув ўтказиб, тўртта гол урди ва учта ассистни амалга оширди холос.