Сульшер Роналду МЮда қачон дебют қилишини айтди

“Манчестер Юнайтед” бош мураббийи Уле-Гуннар Сульшер жамоанинг янги ҳужумчиси Криштиану Роналду Англия премьер-лигасида қачон дебют қилишига ойдинлик киритди.

- Роналду биз билан ажойиб ҳафтани ўтказди. У албатта майдонга тушади. Ҳамма унинг қайтганидан хурсанд. Жамоада муҳит зўр. Биз шанба куни бўладиган баҳсни интизорлик билан кутяпмиз, - деди Сульшер.

11 сентябрь куни “Манчестер Юнайтед” ўз майдонида “Ньюкасл”ни қабул қилади. Ўйин Тошкент вақти билан 19:00 да бошланади.