Sulsher superhujumchini ketkazib yuboradi

“Manchester Yunayted” rahbariyati jamoaning asosiy hujumchisiga aylana olmagan Antoni Marsyalni yozda sotib yuboradigan bo‘ldi.

Frantsiyalik futbolchining klub bilan shartnomasi 2024 yilning yozigacha mo‘ljallangan. Biroq, inlizlar uni 55 million evro evaziga sotib yuborishga tayyor. Marsyal joriy mavsumda barcha turnirlarda 28 ta o‘yin o‘tkazib, ettita gol urdi va sakkizta golli pas oshirdi.

Antoni Marsyal Manchesterga 2015 yili “Monako”dan olib kelingan. U Angliya klubida Evropa ligasi, Angliya kubogi va superkubogi, Futbol ligasi kubogi kabi musobaqalarda g‘olib chiqqan.