Сульшер Зидан кутаётган футболчини “илиб кетмоқчи”

“Манчестер Юнайтед” раҳбарияти “Реал” бош мураббийи Зинедин Зидан интиқлик билан кутаётган Пау Торресни трансфер қилишни истамоқда.

“Вильярреал” етакчиси Европанинг қатор грандлари нишонида турибди. Сульшер испаниялик ҳимоячи “Манчестер Юнайтед”да Ҳарри Магуайр билан ажойиб тандем ҳосил қилишига ишонмоқда.

Пау Торресни олиш осон бўлмайди. Испан клуби бу футболчини 65 миллион еврога баҳоламоқда. Жорий мавсумда ҳимоячи Ла Лиганинг 25 та учрашувида майдонга тушиб, иккита гол ҳам урди.