Sulsherga bunaqa hujumchi kerak emas

“Manchester Yunayted” jamoaning asosiy hujumchisiga aylana olmagan Antoni Marsyalni yozda sotib yuboradigan bo‘ldi. Jamoa bosh murabbiyi Sulsher kelasi mavsumda frantsiyalik hujumchiga ishonch bildirmoqchi emas.

Klub rahbariyati 25 yoshli futbolchining transferini 45 million evroga baholamoqda. Marsyal Manchesterga 2015 yili “Monako”dan 60 million evroga olib kelingan edi. Oradan shuncha vaqt o‘tsa ham, Antoni barqaror to‘purarga aylana olmadi.

Joriy mavsumda Marsyal premer-ligada 22 ta uchrashuv o‘tkazib, to‘rtta gol urdi va uchta golli pas oshirdi. Bu “Manchester Yunayted” darajasidagi klub uchun salbiy ko‘rsatkich hisoblanadi.