Сульшерга чемпион футболчи керак

Испания чемпионатида “Реал” ва “Барселона”ни ортда қолдириб, чемпион бўлган “Атлетико” футболчилар Европанинг гранд клублари томонидан талаш бўлмоқда.

Хусусан, “Манчестер ,найтед” бош мураббийи Уле-Гуннар Сульшер ўз жамоасида қанот ҳимоячиси Киран Триппьерни кўрмоқчи.

Айни пайтда клуб раҳбарияти испанияликлар билан музокара олиб бормоқда. Киран Триппьер ўз юртига қайтадиган бўлса, манкунианлар таркибида тўп сураётган Аарон Ван-Биссака билан рақобатлашишига тўғри келади.

30 ёшли ҳимоячининг “Атлетико” билан амалдаги битими якунланишига яна икки йил бор. Шунга қарамай, унинг трансфери 20 миллион еврога баҳоланяпти.

Чемпионлик мавсумида Киран 28 та учрашувда қатнашиб, олтита голли узатмага муаллифлик қилди.