Сунъий интеллект Мессининг энг муносиб ворисини танлади

“Барселона” узоқ йиллик сардори ва етакчиси Лионель Мессидан айрилди. Айни пайтда кўпчилик аргентиналик юлдузнинг ўрнини ким боса олишига қизиқмоқда.

Olocip компанияси сунъий интеллект ёрдамида Мессининг ўрнини боса оладиган футболчини аниқлаш бўйича тадқиқод ўтказди.

Суперкомпьютернинг ҳисоб-китобларига қараганда,  Мессига энг муносиб ўринбосар каталонияликларнинг янги ҳужумчиси Мемфис Депай экан. Сунъий интеллект нидерландиялик ҳужумчи ва Месси ўртасидаги ўхшашликни 73 фоизга баҳолаган. Иккинчи ўринда қайд этилган Серхио Агуэро ҳамюртининг ўрнини 65 фоизга босиши мумкин экан.

Компьютернинг ҳисоблашича, Мемфис Депай ўтган мавсумда Ла Лигада тўлиқ ўйнаганида пенальтилардан ташқари 15 та гол урарди ва саккизта голли пас оширарди.

Мессининг ўзи Испаниядаги сўнгги мавсумида 35 та учрашувда 30 та гол урди ва 11 та голли пас берди.