Супер компьютер Бенземага энг муносиб ўринбосарни топиб берди

Marca нашри “Реал” ҳужумчиси Карим Бенземага энг муносиб ўринбосар замонавий технологиялар асосида танлангани ҳақида ўтказган тадқиқоти натижаларини ошкор қилди.

Бенземанинг ўрнини боса оладиган ҳужумчиларни Olocip сунъий интеллекти аниқлаб берди. Манбанинг таъкидлашича, бу бирор ўйинчининг аниқ бир жамоада ўйнай олишини аниқ таҳлил қилиб берадиган ягона технология ҳисобланади.

“Реал” ҳужумчиси ўрнини эгаллайдиган футболчи 9-рақам амплуасида ўйнайдиган ва ёши 21 гача бўлганлар орасидан қидирилди. Номзодлар 100 баллгача бўлган баҳолаш тизими орқали аниқланди.

Унга кўра, Бенземанинг “Реал”даги ўрнини тўлиқ босадиган футболчи сифатида “Бенфика” вакили Гонсало Рамуш қайд этилди. Сунъий интеллект уни 92 баллга лойиқ кўрди. Кейин ўринда ижара асосида “Реймс” жамоаси шарафини ҳимоя қилаётган “Арсенал” вакили Флорин Балогун эгаллади. У 88 очко тўплади. “Монпелье” ҳужумчиси Элье Ваи рейтингда 80 очко билан учинчи ўриндан жой олди.