Суперфутболчи қўрққанидан “Барселона”га ўтмади

ПСЖ футболчиси Марко Вераттининг собиқ агенти Донато ди Кампли унинг мижози 2017 йилда “Барселона”га ўтишга яқин келганини, бироқ қўрқоқлиги учун бунга эриша олмаганини айтди.

Маълумотларга қараганда, ўшанда каталонияликлар Верраттини ўз сафига чорлаган. Футболчи розилик берганидан кейин агенти музокара олиб борган.

- Марко “Барселона”га ўтиб кетмоқчи, Месси билан ўйнаб, Испания чемпиони бўлмоқчи эди. Мен унга “Бавария”, “Барселона” ёки “Реал”ни тавсия қилгандим. ПСЖ уни қўйиб юбормаслиги маълум бўлганидан кейин Верратти уни захирага ўтқазиб қўйишларидан қўрқиб, ўз мақсадидан воз кечди, - деди Донато ди Кампли.

Донато ди Камплининг айтишича, ПСЖ раҳбарияти Верраттидан “Барселона” билан музокара олиб борган агентини ишдан бўшатишни талаб қилган. Хўжайинлар италиялик ярим ҳимоячини Парижда қолишга кўндириш учун маошини ошириб, Неймарни олиб келишга ваъда қилган.  

Фикрлар

Фикр қолдириш учун авторизациядан ўтинг!