Суперклуб “Барса”нинг энг зўр ўйинчисини олиб кетмоқчи

“Челси” раҳбарияти ёзги трансферлар даврида таркибини кучайтиришни режалаштирган. “Аристократлар” мавсум якунланиши билан “Барселона” ярим ҳимоячиси Гавини олиб келмоқчи.

Манбаларнинг таъкидлашича, 18 ёшли истеъдодли футболчининг агенти Иван де ла Пенья Лондон клуби мутасаддилари билан музокарага киришган.

Энди “Челси” хўжайини Тодд Бёли Гавининг ота-онаси билан учрашиб, уларни ўз режаларидан воқиф қилмоқчи ва футболчини Лондонга кўчиб ўтишига розилик олишни режалаштиряпти.

“Барселона” бош мураббийи Хави Эрнандес ҳам клуб тарбияланувчисининг истеъдоди ва имкониятларини юқори баҳоламоқда.

Бироқ, Гавига бадал суммаси сифатида белгиланган 90 миллион евро трансферни рўёбга чиқариш учун етади. Каталонияликлар молиявий инқироздан қутила олмаётган бир пайтда 18 ёшли футболчига тўланадиган катта  суммадан воз кеча олмаслиги айтилмоқда.