Суперкомпьютер 2022/23 йилги мавсум Ла Лигада қайси жамоа ғалаба қозонишини башорат қилди. “Реал” ёки”Барса”?

“FiveThirtyEight” нашри суперкомпьютер орқали Ла Лиганинг 2022/23 йилги мавсумда қайси жамоа ғалаба қозониши мумкинлигини аниқлади.

Хабарларга кўра, “Реал”нинг чемпионатда ғалаба қозониш имконияти 39%. "Барселона"нинг лигада ғалаба қозониш имконияти эса атиги 25% деб кўрсатилган. Компьютер Каталония гранди ёзда кўплаб харидларни амалга оширган бўлса-да, иккинчи ўринни эгаллашига ишончи комил.

"Атлетико" (12%) ва "Вильярреал" (8%) мос равишда учинчи ва тўртинчи ўринларни эгаллаши мумкинлиги айтилган.

Бироқ, бу каби башоратларга ҳали эрта, чунки янги мавсум учун ҳеч бир жамоа битта ўйин ўтказишга ҳам улгурмаган.

Маълумот ўрнида, ўтган мавсумда суперкомпьютер "Барселона"ни Ла Лигада ғолиб чиқишини башорат қилганда, аммо якунда бундай бўлиб чиқмади.

Кейинчалик эса бу тизим "Реал" чемпион бўлиши мумкинлиги борасида тахминларини билдирган эди ва бу амалда ўзини оқлади.