Суперлига. 4 та гол урилган баҳсда "Қизилқум" 3 очко эгасига айланди

Суперлига 11-туридан ўрин олган "Қўқон-1912" - "Қизилқум" учрашуви якунланди. Унда меҳмонлар 3:1 ҳисобида зафар қучди.

Меҳмонлар сафида голларга Темурхўжа Абдуҳолиқов, Александар Станисавлевич ва Поль Комолафе муаллифлик қилди. Мезбонларнинг ягона ва супер голи Жавоҳир Сиддиқов ҳисобига қайд этилди. 

Шу тариқа, "Қизилқум" очколари сонини 20 тага етказиб, 4-ўринга чиқиб олди. "Қўқон-1912" ҳисобида 10 очко мавжуд бўлиб, жамоа 10-поғонани банд этган.