Суперлига. АГМК ўз майдонидаги илк ўйинни "Қўқон-1912"га қарши ўтказади (превью)

Суперлига доирасидаги 5-турда АГМК “Қўқон-1912” жамоасини Олмалиқда меҳмон қилади.

Мазкур жамоалар чемпионат доирасида жами 16 маротаба тўқнаш келишган. Ўзаро учрашувларда устунлик АГМК тарафида: 9 ғалаба, 3 дуранг ва 4 мағлубият. Тўплар нисбати ҳам "кончилар" фойдасига: 28-20.

“Қўқон-1912” айни пайтда 6 очко билан турнир жадвалида 6-ўринда бормоқда.

Учрашувни тажрибали рефери Аскер Нажафалиев бошқаради. Мазкур тайинлов Нажафалиев учун АГМК иштирокидаги 8-учрашувга айланади. Аскер Нажафалиев бошқарган ўйинларда олмалиқликлар 5 ғалаба, 1 дуранг ва 1 мағлубият қайд этган.

Мазкур ўйин Суперлига доирасидаги жорий мавсум Олмалиқда ўтадиган АГМКнинг илк ўйинига айланади. Шу боис мухлисларни хурсанд этиш мақсадида ўйиндан аввал эстрада юлдузи Хамдам Собиров ўзининг куй-қўшиқлари билан стадионга йиғилган томошабинларга аъло кайфият улашади.

Чипталар «Металлург» ва ОКМК спорт мажмуаси кассаларида 5 ва 10 минг сўмдан сотилмоқда.

Суперлига, 5-тур.

27 апрель, чоршанба

АГМК — «Қўқон-1912» (18:30)

Олмалиқ, «ОКМК спорт мажмуаси».

Ҳакамлар: Аскер Нажафалиев, Расулжон Фозилов, Максим Нехочин, Равшан Абдивоҳидов

VAR ҳаками: Рустам Лутфуллин

VAR ассистенти: Александр Сидоров

Назоратчи: Бахтиёр Намозов

Комиссар: Шоҳруҳ Саид