Суперлига. АГМК Тошкентда "Локомотив" меҳмони бўлади. Устунлик қайси жамоа тарафида?

Суперлиганинг 14-тур учрашуви «Локомотив» — АГМК қарама-қаршилигига бағишланган ўйинолди превьюни тақдим этамиз.

Ўзаро ўйинлар статистикасига кўра, барча мусобақалардаги ўтказилган жами 28 ўйинда "Локомотив" 17 ғалабани тантана қилган, АГМК эса 7 маротаба "темирйўлчилар"дан устун келган. Қолган 4 беллашувда ғолиб номи аниқланмаган. Тўплар нисбати: 53-35, "Локомотив" фойдасига.

Ўйин бош ҳаками этиб тайинланган Аҳрол Рисқуллаев бешинчи маротаба жамоамиз иштирокида учрашувда бош ҳакамлик қилади. Бунга қадар Рисқуллаев бошқарган ўйинларда АГМК 1 ғалаба, 1 мағлубият ва 2 дуранг қайд этган. Шунингдек, мазкур беллашувда VAR тизими ҳам ишлайди.

Мазкур жамоаларнинг биринчи даврадаги ўйинида Фортес ва Касьяннинг голлари эвазига АГМК 2:1 ҳисобидаги ғалабани тантана қилганди.

Суперлига, 14-тур.
7 август, шанба
«Локомотив» — АГМК (20:00)
Ҳакамлар: Аҳрол Рисқуллаев, Зуфар Элибоев, Фарҳод Усмонов, Илья Ильин
Назоратчи: Дмитрий Роман
Комиссар: Сардор Қудратуллаев
Трансляция: «Sport»