Superliga. Bugun Navoiyda va Yaypanda o‘yinlar bor

Bugun Superligada 12-tur uchrashuvlari boshlanadi. Jumladan, “Turon” o‘z maydonida “Metallurg”ni qabul qilsa, “Mash’al” safarda “Qizilqum” mehmoni bo‘ladi.

Har ikkala uchrashuv ham soat 20:00 da boshlanadi.

Turnir jadvaliga nazar soladigan bo‘lsak, ushbu jamoalar orasida 17 ochko to‘plagan “Qizilqum” 5-o‘rin bilan eng yuqorida bormoqda. Bir ochko kam jamg‘argan “Metallurg” 6-o‘rinda bormoqda. “Mash’al” 11-o‘rinni va “Turon” 13-o‘rinni egallab turibdi.