Суперлига. Жиззах клуби пешқадамга айланиб олди

Суперлига 9-туридан ўрин олган "Сурхон" - "Сўғдиёна" учрашуви ниҳоясига етди. Унда меҳмонлар 4:2 ҳисобида ғалаба қозонди.

Жиззахликлар сафида голларга Ҳалилов, Норхонов (пенальти) ва Қаҳрамонов (дубль) муаллифлик қилди. Мезбонларнинг икки голи Бобожонов ва Қулматов (автогол) номига қайд этилди. 

Мазкур натижадан сўнг "Сўғдиёна"нинг очколари сони 17 тага етди. "Бўрилар" айни пайт турнир жадвалида 1-ўринни эгаллаб турибди.

"Сурхон" ҳисобидаги очколари сони 6 талигича қолди. "Учар тулпорлар" ҳозирча жадвалнинг 12-поғонасидан жой эгаллаган.