Суперлига. "Нефтчи" узоқ кутилган йирик ғалабани қўлга киритди

Суперлига 10-туридан ўрин олган "Нефтчи" - "Металлург" учрашуви ниҳоясига етди. Унда мезбонлар 3:0 ҳисобида ғалаба қозонди.

Ўйинда голларга Қўзиев, Исмоилов ва Ҳошимов муаллифлик қилди. Меҳмонлар бугун майдонни голсиз тарк этадиган бўлди. 

Мазкур натижадан сўнг "Нефтчи"нинг очколари сони 9 тага етди. "Йўлбарслар" айни пайт турнир жадвалида 11-ўринни эгаллаб турибди.

"Металлург" ҳисобидаги очколари сони 10 талигича қолди. "Учар тулпорлар" ҳозирча жадвалнинг 9-поғонасидан жой эгаллаган.

• 90+6'
  

  Учрашув якунига етди. "Нефтчи" "Металлург"ни йирик 3:0 ҳисобида мағлуб этди.

• 90+4'
  

  Улуғбек Ҳошимовга сариқ карточка кўрсатилди. 

• 90+1'
  

  Яна ГОООООООООЛ! Улуғбек Ҳошимов ҳисобни 3:0 кўрнишига келтириб қўйди,

• 90'
  

  Учрашув асосий вақтига  6 дақиқа қўшиб берилди.

• 88'
  

  ГОООООООООЛ! "Нефтчи" иккинчи голини урди. Гол муаллифи Аброр Исмоилов!

• 84'
  

  Луисма Эрнандес навбатдаги ўзгаришни амалга оширди. Худойшукур Сатторов ўрнига Зоҳид Абдуллаев майдонга туширилди. 

• 80'

  Меҳмонлар гол уриш учун кўп тер тўкмоқда. 

• 77'

  Майда фоллар кўпайиб кетди.

• 74'
  

  "Металлург" сафида ўзгаришлар амалга оширилди. Иброҳим Ибрагимов Исломбек Исоқжонов ўрнига, Шаҳзодбек Ғофурбеков Ихтиёр Тошпўлатов ўрнига ўйинни якунлаб қўяди.

• 71'
  

  ГООООООООООЛ! Учрашувда "Нефтчи" ҳисобни очди. Қанотдан етказилган берилган узатмадан сўнг Сирожиддин Қўзиев тўпни боши билан дарвозага жойлаб қўйди - 1:0. 

• 68'

  Майдонда тўп учун кескин кураш кечмоқда. Футболчилар ўзларини аяётгани йўқ.

• 66'
  

  "Йўлбарслар" таркибида ўзгариш.  Шаҳзод Убайдуллаев ўз ўрнини Иззатилла Абдуллаевга бўшатиб берди.

• 64'

  "Нефтчи" аъзолари яхши имкониятга эга бўлди. Бироқ "Металлург" ҳимоячилари хавфни бартараф этди.

• 62'

  "Маъданчилар" футболчиси Дамир Темировдан хавфли ва шу билан бирга, ноаниқ зарба.

• 59'
  

  Водий клуби юқори тезликда ҳужумга ўтди. Зарба берилди. Лекин бу вазиятда оффсайд қайд этилмоқда.

• 54'

  Майдон марказида "Металлург" ўйинчисига нисбатан қоида бузилди. 

• 50'

  "Металлург" футболчиси ўта қулай имкониятдан гол ура олмади. 

• 48'
  

  Иккинчи бўлимда меҳмонлар сафида ўзгариш. Забихилло Ўринбоев ўрнига Фозил Мусаев ўйинга қўшилди.

• 46'
  

  Иккинчи бўлимга старт берилди.

• 45+1'
  

  Биринчи тайм якунланди. Ҳозирча беллашувда ҳисоб очилмади - 0:0.

• 45+1'

  Дамир Темиров жаримадан аниқ зарба йўллади. Аммо Акбар Тўраев хавфни бартараф этди. 

• 45'
  

  Биринчи таймга 1 дақиқа вақт қўшиб берилди.

• 43'

  Бўлимнинг сўнгги дақиқалари зерикарли тус олмоқда.

• 40'

  "Маъданчилар" футболчиси Шаҳзод Ғофурбековдан зарба. Бироқ ноаниқ. 

• 37'

  Илҳом Мўминжонов шогирдлари ҳисобида навбатдаги стандарт.

• 33'
  

  Меҳмонлар гол уришга муваффақ бўлди. Бироқ бу ҳолатда яққол офсайд бор эди. 

• 31'

  "Йўлбарслар" яна бир ажойиб имкониятни кўкка совурди.

• 28'
  

  Меҳмонлар вакили Тошқўзиевдан ажойиб зарба, мезбонлар аъзоси Тўраевдан супер сейв.

• 27'

  Майдонда келишмовчилик юзага келди ва футболчилар бир-бири билан тортишиб кетди.

• 24'
  

  Мезбонлар футболчиси Аббос Ғуломовга нисбатан қоида бузилди. Унга тиббий ёрдам кўрсатиляпти.

• 22'

  Энди бекободликлар фаолликни оширди.

• 19'

  "Нефтчи" вакиллари хавфли вазиятлар юзага келтирмоқда. Бироқ Лобанов ўз ўрнида. Айрим ҳолатларда "йўлбарслар"нинг ўзи хатога йўл қўймоқда.

• 16'

  Аброр Тошқўзиев қанотдан тўпни узатиб берди. Бироқ бу тўпга зарба берадиган футболчи топилмади. 

• 14'

  Ўйин ҳарорати кескинлигини йўқотиб боряпти.

• 11'
  

  "Металлург" футболчисига тиббий ёрдам кўрсатилмоқда.

• 8'

  Меҳмонлар ҳам ғалаба учун келганини рақибга эслатиб қўймоқда. 

• 5'

  Фарғоналиклар ўйин стартини анча фаол бошлади. 

• 3'

  Мезбонлар рақиб жарима майдони олдида қулай стандарт вазиятга эга бўлмоқда.

• 1'
  

  Ўйинга старт берилди. "Нефтчи" футболчилари яшил, "Металлург" вакиллари эса тўқ кўк рангли либосда ҳаракатланади.

• *'

  Учрашув бошланишига ҳамма нарса тайёр.