Суперлига. "Пахтакор" - "Бунёдкор": Матнли трансляция

Ассалому алайкум, қадрли футбол ихлосмандлари! Ўзбекистон Суперлигаси 13-туридан ўрин олган "Пахтакор" - "Бунёдкор" жамоалари ўртасидаги қолдирилган учрашувга хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90'

  Учрашув якунланди. "Тошкент дербиси"да "Пахтакор"нинг қўли баланд келди!

• 90'

  Ҳамдамовнинг зарбасидан кейин тўп етарлича айланмади.

• 90'
  

  Иккинчи қаватдаги тўп учун курашда рақиби билан тўқнашиб кетган Сайфиевга тиббий ёрдам керак.

• 90'

  Сўнгги дақиқалар меҳмонларнинг кучли босими остида кечмоқда.

• 90'

  Қаҳрамоновнинг зарбасидан кейин тўп ҳимоячилардан ўтмади.

• 90'
  

  Ўйиннинг асосий вақтига 5 дақиқа қўшиб берилди.

• 90'
  

  Диёр Холматов ўрнига Хожимат Эркинов майдонга тушди.

• 89'
  

  Фархож Мираҳмадов ва Азиз Пирмуҳаммедов майдонга тушди. Улар Улуғбек Абдуллаев ҳамда Хуршид Ғиёсовни алмаштирди.

• 88'

  Узоқ муҳокамалардан кейин ҳакам офсайд қайд этди.

• 87'

  Нажафалиев ВАРга қулоқ солмоқда. Балки гол ҳисобланар...

• 86'
  

  Томива дарвозабон билан бирга-бир вазиятга чиқиб борди ва дарвозани ишғол этди. Ҳакам офсайд туфайли голни инобатга олмади.

• 85'
  

  Одил Ҳамробеков захирага олинди. Унинг ўрнига Аброр Исмоилов ўйинни давом эттиради.

• 84'

  Жамоадошининг узатмасидан кейин Ҳамдамов тўпни тўхтата олмади.

• 83'
  

  Миржаҳон Мираҳмадов ўз ўрнини Муҳаммадодил Қаҳрамоновга бўшатиб берди.

• 81'

  Мираҳмадовнинг яқин масофадан берган зарбасидан кейин тўп тўсин юқорисидан ўтиб кетди.

• 79'

  Лутфулло Тўраевнинг жарима майдонига етказиб берган тўпига Суюнов эга чиқди.

• 77'
  

  Эргашевнинг олис масофадан берган кучли зарбасидан кейин дарвозабон тўпни қайтарди.

• 75'
  

  Турғунбоев ҳамда Темиров ўрнига Ҳамдамов ва Матич ўйинга қўшилди.

• 72'

  Футболчилар анча суст ҳаракат қиляпти. Ўйин темпи паст.

• 70'

  Хуршид Ғиёсовнинг зарбасидан кейин тўп Суюновнинг қўлига бориб тушди.

• 70'
  

  Фаррух Сайфиевга тиббий ёрдам кўрсатилди.

• 69'

  Томиванинг ўткир бурчакдан берган зарбаси тўрга ташқи томондан келиб тегди.

• 68'

  Футболчиларда "брак" паслар сони анча кўпайиб кетди. Ўйин сифати ҳавас қиларли даражада эмас.

• 66'
  

  Фаррух Икромов ўз ўрнини Иброҳим Томивага бўшатиб берди.

• 65'

  Турғунбоевнинг берган зарбаси кучсиз чиқди. Ягудин тўпни ушлаб олди.

• 63'

  Хожиакбар Алижоновнинг қанотдан оширган тўпига Темиров ета олмади.

• 62'
  

  Фаррух бу сафар ўйиндан ташқари ҳолатда қолиб кетди.

• 61'

  Жамоасининг хавфли тус олаётган қарши ҳужумини Икромов ноаниқ узатмаси билан кўкка совурди.

• 61'

  Ўйин темпи бироз пасайди. Ўзгариглар амалга оширишнинг айни вақти.

• 59'
  

  Икромов билан тўқнашиб кетган Холматовга тиббий ёрдам кўрсатилмоқда.

• 58'

  Тўпни ўзидан узоқлаштириб юборган Мираҳмадов қулай имкониятни барбод қилди.

• 57'

  Ўйин назорати "шерлар" қўлида бўлиб турибди.

• 55'
  

  Шерзод Темировнинг бош билан йўллаган зарбасига аниқлик етишмади.

• 54'

  Алижоновнинг жарима майдонига оширган тўпидан кейин анча хавфли вазият юзага келди. Аммо "Бунёдкор" ҳимоячилари тўпни майдон ташқарисига чиқариб юборди.

• 53'

  Босим уюштирган Темиров Ягудинни хато қилишга мажбур қилди.

• 52'

  Холматовнинг узатмасидан кейин шерикларидан ҳеч ким тўпга ета олмади.

• 51'

  Вазият карточкага тортмайди, деб топилди.

• 50'

  Икромов майдондан четлатишини мумкин. Ҳамробековга нисбатан ишлатилган қўполликни ВАРдаги ҳакамлар ўрганмоқда.

• 48'

  Ўнг қанотдан олдинга ўтган Ғиёсов 3 рақиби қуршовида тўп йўқотди.

• 46'
  

  Иккинчи тайм бошланди!

• 46'
  

  Бўлимлар оралиғида Хюистра ўзгариш амалга оширди: Анзур Исмоилов ўз ўрнини Марлен Чобановга бўшатиб берди.

• 46'

  Футболчилар майдонга қайтди. Биз ҳам қайтамиз!

• 45'
  

  Танаффус!

• 45'
  

  ГОООООООЛ! Учрашувда ҳисоб очилди!

  Нуқта қаршисига келган Черан марказга зарба йўллаб, дарвозабонни ожиз қолдирди.

• 45'
  

  Биринчи таймга 1 дақиқа қўшиб берилди.

• 45'
  

  Нажафалиев Эргашевга сариқ карточка кўрсатди.

• 45'
  

  Жарима майдони ичида Эргашев рақибини йиқитди. Бу пенальти.

• 44'

  Ҳимоячиларнинг хатосидан кейин Мираҳмадов дарвозабон билан бирга-бир вазиятга чиқди ва уни алдаб ўтди. Аммо унинг шеригига берган узатмасини Ғиёсов дарвозага кирита олмади.

• 43'

  Бўлим сўнги тезкор ҳужумлар билан ўтмоқда. Танаффусга ҳисобда олдинда борган ҳолда йўл олиш катта руҳий устунлик беради.

• 42'
  

  Фаррух Икромов майдонда ётибди. Унга тиббий ёрдам кўрсатилмоқда.

• 40'

  Жарима майдони ичида Черан йиқилиб тушди. Нажафалиев ўйинни давом эттиришга рухсат берди.

• 39'

  Узоқ масофадан ўз омадини синаб кўрган Турғунбоев мўлжалда адашди.

• 38'

  Қарши ҳужумга ўтган Икромовни Сайфиев тўхтатиб қолди.

• 36'

  Алижоновнинг узатмасидан кейин Тўраевга теккан тўп Ягудиннинг қўлларига бориб тушди.

• 35'
  

  Мақсудов шогирдлари навбатдаги бурчак зарбасидан наф чиқара олмади. Суюнов тўпга эга чиқди.

• 33'

  Жарима майдонига ёриб кирган Алижоновнинг кучли зарбасидан кейин тўп устун ёнидан ўтиб кетди. 

• 33'

  Сўнгги дақиқаларда меҳмонлар босимни кучайтирди. Энди "шерлар" қарши ҳужум уюштирмоқда.

• 31'

  Тўраевнинг жарима майдонига етказиб берган тўпи қайтарилди.

• 29'
  

  Турғунбоев Ғиёсовга нисбатан қўпол ўйнади. Нажафалиев уни огоҳлантирди.

• 28'

  Холматовнинг ажойиб узатмасидан кейин Черан қулай вазиятни бой берди. Унинг яқин масофадан берган зарбасига аниқлик етишмади.

• 26'

  Ўйин асосан Ягудин дарвозаси қаршисида кечмоқда. Суюнов зерикиб қолди.

• 24'

  Драган Чераннинг жарима майдони ташқарисидан берган зарбаси тўсин ёнгинасидан ўтиб кетди.

• 24'

  Жамоалар эҳтиёткор ўйин намойиш этмоқда. Аксарият ҳужумларда якун йўқ.

• 22'

  Сайфиевнинг ўз услубида уюштирган рейди бурчак зарбаси билан якунланди.

• 20'

  Жарима майдонига оширилган тўпга Азиз Турғунбоев ноаниқ зарба йўллади.

• 19'

  "Пахтакор" ўйинни назорат қилмоқда. "Бунёдкор" фурсат пойлаяпти.

• 17'
  

  Икромовга нисбатан қоида бузган Собирхўжаев огоҳлантирилди.

• 16'
  

  Чераннинг зарбасидан кейин Ягудин ажойиб реакция намойиш этиб тўпни ушлаб олди.

• 14'

  Жамоадошининг узатмасидан кейин тўпга Мираҳмадов ета олмади.

• 14'

  Жамоалар хафли вазият яратишда оқсаётган бўлса ҳам, анча ҳаракатчан ўйин кўрсатмоқда.

• 12'

  Назорат Хюистра шогирдлари томонга ўтди.

• 10'

  Турғунбоевнинг пасидан кейин қулай имконият ҳосил қилган Черан зарба беришга кечикди. Ҳимоячилар хавфни бартараф этди.

• 9'
  

  Фаррух Икромовнинг бирга-бир вазиятдан берган зарбасини Суюнов қайтарди.

• 8'

  Ўнг қанотдан олдинга ўтган Абдуллаев тўп йўқотди. Фойдасиз дриблинг.

• 6'

  "Қалдирғочлар" ўз ярим майдонида тўпни ушлаб турибди.

• 4'
  

  Мираҳмадовнинг бош билан йўллаган зарбасига бироз аниқлик етишмади.

• 4'

  Ўнг қанотдан жарима майдонига оширилган тўпни "шерлар" майдон ташқарисига чиқариб юборди.

• 3'

  Илк вазият мезбонларда. Сайфиевнинг узатмасидан кейин Темиров тўпни дарвоза томон йўллай олмади. 

• 2'

  Кутилганидек, майдон эгалари илк дақиқалардан тўп назоратини қўлга олишга ҳаракат қилмоқда.

• 1'
  

  Ўйин бошланди!

• 0'

  Футболчилар майдонга тушиб келди. Ўйин бир неча дақиқалар ичида старт олади!