Суперлига. "Қизилқум" "Навбаҳор"ни Навоийда қабул қилмайди

Суперлига 7-туридан ўрин олган “Қизилқум” – “Навбаҳор” учрашуви 4 май куни Муборак шаҳрида бўлиб ўтади. Бу ҳақда Ўзбекистон профессионал футбол лигаси расмий сайти хабар тарқатди.

“Қизилқум” уй стадионида таъмирлаш ишлари, хусусан, майдон чим қопламаси устида иш олиб борилаётгани туфайли учрашув Муборакнинг "Баҳром Вафоев" номидаги стадионга кўчирилди", - дейилади хабарда.

Маълумот учун,  “Қизилқум” – “Навбаҳор” учрашуви 4 май, сешанба куни 17:00 да бошланади.