Суперлига тақвимида ўринли сабабга кўра ўзгариш бўлиши кутилмоқда

Бир неча кун олдин Суперлигада 15-тур ўйинлари бўлиб ўтди. Энди эса Ўзбекистон кубоги баҳслари ўтказилмоқда. Шу боисдан ҳам Суперлиганинг 16-тур баҳслари 10-11 августга белгиланганди.

SPORTS.uz сайтига маълум бўлишича, бўлажак турнинг айрим ўйинлари санаси ўзгариши кутилмоқда. "Пахтакор-79" жамоасининг авиаҳалокатга учраганига бу йил 40 йил тўлади. "Пахтакор" футбол клуби ўзбек футболида ёрқин из қолдирган жамоа вакилларини хотирлаш мақсадида бир неча тадбирлар ўтказишни режалаштирган. Жумладан 11 август куни "Пахтакор" стадионида Ўзбекистон ва собиқ СССР фахрий футболчилари иштирокида ўртоқлик ўйини ўтказилади. Мана шу ўйинда иштирок этиш учун бир қатор мураббийлар Тошкентга ташриф буюришади. Шунинг учун 16-турнинг айрим ўйинлари санаси ўзгаради.