Суперлига: Яхши старт ола олмаётган АГМК ва “Динамо” ҳамда “Сурхон”нинг антирекорди ҳақида

1-тур рақамларда

“Пахтакор” – “Локомотив” ўйини билан Суперлигада 1-тур ўйинлари якунланди. SPORTS.uz сайтида бериб борилаётган ўзбек футболи таҳлили ва статистикаси муаллифи Бахтиёр Ширинов илк турнинг рақамлари, қизиқарли фактларини тақдим этди.

Суперлига: Дуранглар занжири, Кимда қанча? Барҳам топган нохуш анъаналар ҳақида

Қуйида дастлабки турнинг ўзига хос натижалари билан таништириб ўтамиз.

АГМК 5 йилдан буён 1-турда ғалаба қозона олмаяпти

Умумий статистика

1-турда АГМКда 3 ғалаба, 6 дуранг ва 3 мағлубият, тўплар фарқи – 14:13.

Шундан ўз майдонида 3 ғалаба, 2 дуранг; сафарда 4 дуранг ва 3 мағлубият.

АГМКнинг Олмалиқда ўтказган очилиш ўйинлари статистикаси эса қуйидагича: 6 ғалаба, 4 дуранг ва 2 мағлубият, тўплар фарқи – 16:10.

“Сурхон”да эса...

Узоқ танаффусдан сўнг яна элитага қайтарилган “Сурхон” 1-турда ғалаба қозона олмаслик бўйича антирекордини давом эттирди. Жамоа сўнгги марта 1997 йил “Янгиер”ни 3:1 ҳисобида мағлубиятга учратган. Шундан кейин кетма-кет 7 мавсум мавсум дебютини муваффақиятсиз бошлади. Бу орада бир марта 1999 йил Термизда айнан “Металлург” билан 1:1 қайд этган ва қолган барча ўйинларда мағлуб бўлган.

  1. “Сурхон” – “Янгиер” 3:1
  2. “Сурхон” – “Нефтчи” 0:3
  3. “Сурхон” – “Металлург” 1:1
  4. “Сўғдиёна” – “Сурхон” 3:1
  5. “Пахтакор” – “Сурхон” 5:0
  6. “Дўстлик” – “Сурхон” 3:1
  7. “Насаф” – “Сурхон” 3:0
  8. “Қизилқум” – “Сурхон” 2:1
  9. “Сурхон” – “Металлург” 1:1

Навоийнинг “Қизилқум” Қўқон шаҳрининг “Қўқон-1912” ҳамда Бекободнинг “Металлург” жамоалари охирги марта 2016 йил илк турда ғалаба қозонишган. Шундан кейинги 3 мавсум уларда ғалаба бўлмади. “Навбаҳор” 2017 йил “Обод”ни мағлуб этиш билан мавсумни бошлаган эди. Кейинги икки мавсумда дуранг қайд этилмоқда.

“Динамо” 1-турни ўз майдонида ёмон ўтказмоқда

Самарқанд шаҳри жамоаси илк турни ўз майдонида ўтказиб ғалаба нашидасини сурганига ҳам кўп йиллар бўлибди. Жамоа 2003 йил “Қизилқум”ни 1:0 ҳисобида мағлуб этган экан. Шундан кейинги 5 уй учрашувида улар ғалаба қозона олишмаяпти.

  1. “Динамо” – “Бунёдкор” 0:1
  2. “Динамо” – “Хоразм” 1:1
  3. “Динамо” – “Насаф” 0:2
  4. “Динамо” – “Қўқон” 0:1
  5. “Динамо” – “Насаф” 1:1

Давоми бор...

Фикрлар

Саралаш
Фикр қолдириш учун авторизациядан ўтинг!