"Сурхон" - "Металлург" ўйини охирига етмай қолди
Қибрайда кечган учрашувда ҳар иккала жамоа устозлари кўрикда бўлиб турган футболчиларни кўздан кечириб олишни мақсад қилишган эди, аммо амалда бундай бўлмади. Беллашувнинг 23-дақиқасида беллашувни бошқариб бораётган Акобир Шукуриллаев бир йўла уч футболчини майдондан четлатди. Булар Камолиддин Тожиев, Шавкат Муллажонов ва Владимир Бубаньялардир.
"Сурхон" клуби матбуот хизмати тарқатган хабарга кўра, ҳар иккала жамоа футболчилари ўз эҳтиросларини жиловлай олмаганлиги сабабли иккала жамоа мураббийлари ўзаро келишган ҳолда бугунги учрашувни тўхтатишга қарор қилдилар. Шу тариқа "Сурхон" - "Металлург" қарама-қаршилиги якунига етмай қолди.
Фикрлар
Ахир бу футболку, отангни молига талашасанми, суфе...е сендака футболчиларга.
Зур булсанг футболда узингни курсат.