"Сурхон" Ўзбекистон Кубогида қандай натижалар кўрсатган?

Маълумки, айни пайтда Ўзбекистон Coca-Cola Кубоги гуруҳ босқич ўйинлари бўлиб ўтяпти. “Сурхон” 9 апрель куни “Бухоро”га қарши майдонга тушади. Шу муносабат билан “Сурхон” клуби матбуот хизмати жамоанинг Ўзбекистон Кубогидаги умумий иштироки бўйича маълумот берди.

1992 йил 12 апрелда “Сурхон” бу турнирда ўзининг тарихидаги илк учрашувини ўтказди. Ўшанда Жиззахнинг “Сўғдиёна” жамоасига (5:0) ютқазган бўлса, жавоб ўйинида дуранг ўйнаган – 0:0.

1993 йилги мавсумда илк бор биринчи босқичдан ўта олган. Кейин эса Бухоронинг “Ситора”сини мағлуб қилди. Икки ўйин якунига кўра 4:1 ҳисоби “Сурхон” фойдасига. Термиз клуби илк бор турнирнинг нимчорак финал босқичи иштирокчисига айланди. Кейинги уч мавсумда клуб ўз номини АСК га ўзгартирди ва 1995 йилда яна 1/8 финалга чиқди. 1997 йилги қуръа ташлаш маросимида АСК яна аввалги номига қайтди. “Сурхон” иккинчи саралаш босқичига чиқди.

2000/01 йилги мавсумда термизликлар барча учрашувларда ғалаба қозониб, ўз гуруҳида муваффақият қозонган бўлса, 1/8 финалда Жиззахнинг “Сўғдиёна” жамоаси яна клуб йўлига тўсқинлик қилди. Аммо 2002/2003 йилги мавсумда бу “Сурхон” учун ютуқ эди. Гуруҳ босқичида иккинчи ўринни эгаллади. 1/8 финалда Бекободнинг “Металлург” жамоасини (умумий 4:3), чорак финалда “Машъал”ни мағлубиятга учратган эди (жами 5:4), тарихий ярим финалга чиққан “Сурхон” “Пахтакор”дан мағлуб бўлди.

2005 йилда “Сурхон” “Локомотив”га фақат қўшимча кўрсаткичлар бўйича кучли саккизлик йўлланмасини бой берганди. 2007-2011 йилларда “Сурхон” мамлакат Кубогида иштирок этмаган, 2012 йилги мавсумда эса “Машал”га қарши баҳсда термизликлар фақат пенальтилар серияси ғалабани қўлдан бой берганди.

2019 йилда клуб Шаҳрихоннинг “Раш Милк” ва Тошкентнинг “Локомотив” клубларини мағлуб этиб, ¼ финалнинг фахрли босқичига йўл олди, сўнгги мавсумда ҳам жамоа чорак финалга чиқди.

“Сурхон”нинг Ўзбекистон кубогидаги натижалари

1992 йил - 1/16 финал

1993 йил - 1/8 финал

1994 йил - 1/16 финал

1995 йил - 1/8 финал

1996 йил - гуруҳ босқичи. 5-ўрин

1997 йил - Иккинчи саралаш босқичи

1998 йил - 1/16 финал

1999/2000 - 1/16 финал

2000/2001 - 1/8 финал

2001/2002 - 1/16 финал

2002/2003 - Ярим финал

2004 йил - 1/16 финал

2005 йил - 1/8 финал

2006 йил - Биринчи саралаш босқичи

2007-2011 – қатнашмаган

2012 йил - 1/16 финал

2013-2016 – қатнашмаган

2017 йил - Иккинчи саралаш босқичи

2018 йил - 1/8 финал

2019 - Чорак финал

2020 - 1/8 финал

2021 - Чорак финал