“Сурхон” Россия клубини ишончли ҳисобда мағлуб этди

Янги мавсумга жиддий тайёргарлик кўраётган “Сурхон” жамоаси ўзининг тўртинчи назорат учрашувида Россия клубини мағлуб этди.

Сурхондарёликлар бугунги ўртоқлик учрашувида “Ленинградец” жамоасига қарши баҳс олиб борди ва ишончли 2:0 ҳисобида ғалаба қозонди. Беллашувдаги голлар Сарвар Абдуҳамидов ҳамда Беҳруз Каримов томонидан киритилди. 

Ушбу йиғин доирасида “Сурхон” клуби яна учта назорат учрашуви ўтказади.