Svetlana Osipova bronza medal sohibi

S.Osipova yarim finalda 2016 yilgi Olimpiada chempioni xitoylik Zeng Shuyinga qarshi dayanga chiqdi. Afsuski bu jangda xitoylik taekvondochi 3:0 hisobida g‘alaba qozonib finalga chiqdi. Shu tariqa Svetlana Osipova Chibadagi Gran-prida bronza medalini qo‘lga kiritdi.

Ma’lumot uchun, Osipova 1/16 finalda serbiyalik Ana Tepavatsni (4:0), 1/8 finalda meksikalik Briseida Akostani (20:6), chorakfinalda 2012 yil Londonda o‘tgan Olimpiada o‘yinlarida oltin medalni qo‘lga kiritgan serbiyalik Militsa Mandichni (5:4) mag‘lub etgandi.