Светлана Осипованинг Япониядаги рақиби аниқланди

13-15 сентябрь кунлари Япониянинг Тиба шаҳрида таэквондо бўйича (WT) бўйиса Гран-при мусобақаси  бўлиб ўтади.

Ушбу нуфузли мусобақада ўзбекистонлик уч нафар таэквондочи иштирок этади. Эртага Гран-прининг илк кунида ҳамюртимиз Светлана Осипова жангларни бошлайди.

Бугун дастлабки кунги баҳсларга қуръа ташланди. Унга кўра, С.Осипова 1/16 финалда сербиялик Ана Тепавацга қарши даянга чиқади. Ушбу жангда ғолиб чиққан таэквондочи нимчорак финалда Маристелла Смиралья (Италия) - Брисеида Акоста (Мексика) учрашуви ғолибаси билан тўқнаш келади.

Эслатиб ўтамиз, Нигора Турсунқулова 14 сентябрь, Никита Рафалович 15 сентябрь куни мусобақада иштирок этишади.

Матнда хатолик топсангиз, ўша хатони белгилаб, бизга жўнатинг (Ctrl + Enter)