Таэквондо WT. Бугун даянга чиққан барча спортчиларимиз мағлубиятга учради

Бокуда давом этаётган таэквондо WT бўйича жаҳон чемпионатининг навбатдаги куни вакилларимиз учун муваффақиятсиз якунланди. Бугун даянга чиққан 3 нафар ҳамюртимизнинг барчаси мағлубиятга учради.

Озода Собиржонова (-67 кг) биринчи жангида ғалаба қозонган бўлсада, иккинчи беллашув мусобақанинг бешинчи сараланган спортчиси бразилиялик Милена Титонели билан тўқнаш келди ва 1:2 ҳисобида имкониятни бой берди.

Афсуски, Амир Тўраев ҳам иккинчи жангда мағлубиятга учради. Австралиялик Бейлей Люис билан кечган жангда ҳамюртимиз 1:2 ҳисобида имкониятни бой берди.

-73 кг вазн тоифасида даянга чиққан Саодатбегим Алиева эса илк босқичадаёқ германиялик Янна Шнайдерга ютқазиб қўйди.

Шу тариқа жаҳон чемпионатининг бугунги куни юртдошларимиз учун муддатидан аввал ниҳоясига етди.