Таэквондо WT. Светлана Осипова Универсиада совриндори

Таэквондо WТ бўйича Ўзбекистон терма жамоаси етакчиларидан бири Светлана Осипова фаолиятидаги совринлар қаторига Бутунжаҳон ёзги Универсиада ўйинларининг медалини ҳам қўшиб қўйди.

Бугун юртдошимиз -73 кг вазн тоифасида кечган беллашувларда бронза медалига сазовор бўлди. Осипова муросасиз кечган ярим финал баҳсида хитойлик Зеци Чжоуга имкониятни бой бериб қўйди ва шоҳсупанинг учинчи поғонасидан жой олди.

Шунинг билан, делегациямизнинг мусобақадаги медаллари 7 та кумуш ва 4 та бронзага етди.

Манба: МОҚ