Таниқли инсайдер Шомуродовга икки жамоадан қизиқиш бўлаётгани ҳақида ёзди

Ҳамюртимиз Элдор Шомуродов фаолиятини Италиянинг бошқа бир клуби сафида давом эттириши кутилмоқда.

Биласиз, легионеримиз ўтган мавсумни "Рома" захирасида ўтказди. Мавсумолди тайёргарлик ўйинларидан сўнг Моуриньо уни сотишга қарор қилди. 

Таниқли журналист Никола Скира берган хабарга кўра, Шомуродовга "Торино"дан ташқари "Болонья" ҳам таклиф билан чиққан. 

Аввалроқ, Турин клуби уни сотиб олиш варианти билан ижарага олишни режалаштираётгани айтилаётганди. 

Қайд этиш лозим, айни вақтда 27 ёшли футболчининг трансфер нархи 8 миллион еврони ташкил этади.