Танқидлар тагида қолган Роналду ўзига янги жамоа танламоқда

А Серияда сўнгги учта учрашувдан бери рақиб дарвозасини ишғол қила олмаётган Криштиану Роналду жамоа мухлислари ва журналистлар томонидан кескин танқид қилинаётганидан норози бўлмоқда.

Айни пайтда португалиялик ҳужумчи бошқа жамоага ўтиб кетишни режалаштирмоқда. Манбаларнинг хабар қилишича, Роналду ПСЖ ёки “Манчестер Юнайтед” таклифини қабул қилиш борасида бош қотиряпти.

Бундан ташқари, жорий мавсумда чемпионлик унвонини муносиб ҳимоя қила олмаган  “Ювентус” ҳамон Чемпионлар лигасининг йўлланмасини  қўлга киритишини кафолатлай олгани йўқ. Шу омил ҳам орзуси “кўҳна қитъа”нинг энг нуфузли турнирида ғолиб чиқиш бўлган юлдузнинг кетишига таъсир ўтказмоқда.

Роналду ПСЖ ёки МЮда Чемпионлар лигаси бош совринига эга чиқиш имкони кўпроқ эканини яхши англаб турибди.