Tarixiy gol sohibi 42 yoshida vafot etdi

Senegal terma jamoasi tarkibida yangi asrdagi mundialning birinchi golini urgan Papa Buba Diop 42 yoshida hayotdan ko‘z yumdi. U 2002 yilgi jahon chempionatida amaldagi jahon chempioni Frantsiya terma jamoasi darvozasini ishg‘ol qilib, senegalliklarning tarixiy g‘alabasini ta’minlagan edi.

Ma’lumotlarga qaraganda, sobiq futbolchi uzoq yillar davom etgan kasallik tufayli vafot etdi. 

Diop Senegal terma jamoasi safida 63 ta uchrashuv o‘tkazib, 11 ta gol urgan. Faoliyati davomida “Fulxem”, “Portsmut”, “Lans”, AEK, “Vest Xem” va “Birmingem” klublari sharafini himoya qilgan.