Тартиб-интизом қўмитаси Милан Митрович билан боғлиқ вазиятни ўрганиб чиқади

Милан Митрович билан боғлиқ вазиятни ўрганиб чиқилади. Бу ҳақида УФА матбуот хизмати хабар берди.

"Кеча Cоcа-Cоlа Суперлигаси 16-туридан ўрин олган “Нефтчи” — “Сўғдиёна” (0:0) учрашуви давомида меҳмон жамоа дарвозабони Милан Митрович стадионда фаолият олиб бораётган ходимлар ҳамда тўп узатувчи ёш футболчиларга қўпол муомалада бўлди.

Бу эса ўз навбатида мухлислар ва кенг жамоатчилик эътирозларини келтириб чиқарди. Мазкур ҳолат ЎФА Тартиб-интизом қўмитаси томонидан синчковлик билан ўрганиб чиқилади ва можаро сабаблари аниқланиб, айбдорларга тегишли чоралар кўрилади. Шу ўринда, футболчилар ҳар қандай эҳтиросли ҳолатда ҳам ўзини профессионал спортчидек тутиши зарур эканлигини эслатиб ўтмоқчимиз", - дейилади баёнотда.