“Реал Мадрид”, Ҳусановни кутиб ол!

“Манчестер Сити” нафақат Англия Премьер-лигаси ва мамлакатнинг ички мусобақалари, балки Европа Чемпионлар лигасида ҳам бош совринга даъвогар жамоалардан ҳисобланади.

Хосеп Гвардиола охирги иккита трансфер ойнасида таркибни деярли ўзи истаган ҳолатга келтирди ва буёғига шогирдларининг курашувчанлик қобилиятини ошириб бориши талаб этилади.

Европа Чемпионлар лигасининг янги мавсуми учун ташланган қуръа “шаҳарликлар”ни умумий босқичда жиддий жамоаларга рўбарў қилди.  Бош соврин учун курашда манчестерликлар Италия, Испания, Германия, Туркия ва Норвегия клублари билан рақобатлашишига тўғри келади.

Рақиблар орасида – “Реал”, “Боруссия Дортмунд”, “Байер” ва “Наполи”нинг борлиги “Манчестер Сити”нинг йўлини янада оғирлаштиради. Чунки бу клубларнинг ҳар бири ўз олдига худди “шаҳарликлар” сингари Чемпионлар лигасида зафар қучиш мақсадини қўйган.

Қолган рақиблар – “Вильярреал”, “Будё-Глимт” ва “Галатасарой” футболчилари ҳам исталган пайтда ҳар қандай жамоага сюрприз бўла оладиган клублар қаторига киради.

УЕФА қоидасига кўра, умумий гуруҳда иштирок этаётган 36 та жамоанинг ҳар бири саккизтадан учрашувда майдонга тушади. Ўйинларнинг тенг ярми уйда ва иккинчи қисми рақиб аренасида ташкил қилинади. Яъни ҳар бир жамоа ўз мухлислари кўз ўнгида тўртта, сафарда яна тўрттадан ўйин ўтказади.

Мусобақанинг ушбу босқичи якунида жадвалнинг энг юқори саккиз поғонасини эгаллаган жамоалар тўғридан тўғри 1/8 финал иштирокчисига айланади.

9-24-ўринлар соҳиблари иккита учрашувдан иборат ўтиш босқичида қатнашади. Уларда зафар қучган саккизта жамоа нимчорак финалга чиқади. Ўтган мавсумда “Манчестер Сити” футболчилари худди шу босқичда “Реал”га тўқнаш келиб, икки ўйин натижасига кўра, мусобақани тарк этганди.

Умумий гуруҳда 25-36-ўринни қолган жамоалар Чемпионлар лигасидаги юришини тўхтатади.

Ўзбекистонлик футбол ишқибозлари Абдуқодир Ҳусанов ҳурматидан “Манчестер Сити”га мухлислик қилишини инобатга олиб, sports.uz  портали Хосеп Гвардиола шогирдларининг ўйин саналари ҳақида маълумот беради.

Қуйидаги жавдал орқали учрашувлар жойи ва санаси ҳақида билиб олишингиз мумкин.

1-тур: “Манчестер Сити” – “Наполи”, 18 сентябрь.

2-тур: “Монако” – “Манчестер Сити”, 1 октябрь.

3-тур: “Вильярреал” – “Манчестер Сити”, 21 октябрь.

4-тур: “Манчестер Сити” – “Боруссия Дортмунд”, 5 ноябрь.

5-тур: “Манчестер Сити” – “Байер Леверкузен”,  25 ноябрь.

6-тур: “Реал Мадрид” – “Манчестер Сити”, 10 декабрь.

7-тур: “Будё-Глимт” – “Манчестер Сити”, 20 январь.

8- тур: “Манчестер Сити” – “Галатасарой”, 28 январь.

Ушбу жадвалдан кўриниб турибди, “Манчестер Сити” футболчилари учун энг қийин учрашув Мадридда бўлади. Олтинчи турдан ўрин олган “Реал” ва “Манчестер Сити” баҳси қайси босқичда бўлишидан қатъи назар мусобақанинг марказий ўйини сифатида эътироф этилиши одатга айланган.

Қолаверса, ўтган мавсумда бу икки жамоа ўзаро тўқнаш келганди. “Сантьяго Бернабеу”даги жавоб учрашувида Абдуқодир Ҳусановнинг мадридликлар юлдузи Винисиус Жуниорга қарши ўтказган ўйини экспертлар томонидан жуда юқори баҳоланган.  Бразилиялик юлдуз ўнг қанотда ўзбек ҳимоячисининг жиддий қаршилигига дуч келиб, бирорта самарали ҳаракатни амалга ошира олмаганини ҳали ҳамон унутмаган бўлса керак.

Бундан ташқари, Абдуқодир Ҳусанов рақиблар орасида “Монако” билан ҳам ўйнаш тажрибасига эга. 21 ёшли ҳамюртимиз “Ланс”да фаолият юритган даврида Франция чемпионати доирасида монаколикларга қарши майдонга тушган эди.

Ҳусановга “Сити”дан хушхабар!

Ҳусанов – “Сити”даги ҳеч кимда йўқ уч сифатга эга ягона футболчи!

Ҳусанов ҳақида хунук хабар. Абдуқодир терма жамоага келмайди

Ҳусановсиз ҳимоя расво бўлади!

Ҳусановда айб йўқ! Абдуқодирнинг ўйини қандай баҳоланди?

Ҳусановни охиригача ўйнатмаган Гвардиола аламли мағлубиятдан кейин нима деди?

“Манчестер Сити” фанатларининг Ҳусановга муносабати қандай?

Шомуродов ва Файзуллаев “Башакшеҳир”даги жиддий ўзгаришларга сабаб бўлмоқда