Тайсон Фьюри Уайлдер билан жангни бекор қилмоқчи
Таниқлик шарҳловчи Дэн Рафаэль сўзларига кўра, супер оғир вазн тоифасининг собиқ жаҳон чемпиони Тайсон Фьюри (27-0, 20 КО) ушбу вазнда WBC камари соҳиби Деонтей Уайлдер (40-0, 39 КО) билан жанг қилишни истамаётир.
– Бу жангда Уайлдер фаворит бўлади. Фьюри ҳам имконият борми? Албатта, аммо сўнгги вақтларда Фьюрининг энди буни рад қилаётганини эшитдим. Менга унинг жамоасида аъзолардан бири бу ҳақда айтди, – дея Рафаэлнинг сўзларини келтиради ESPN нашри.
Тайсон Фьюри уч йиллик танаффусдан сўнг 2018 йил июнда фаолиятини қайта бошлаган эди. Бу жангда у Сефер Сеферини мағлуб қилди.
Ўтган ҳафта эса у чемпионлик камарига собиқ даъвогар Франческо Пьянетадан ишончли тарзда устун келди. Шундан сўнг британиялик боксчининг промоутери кейинги жангни Деонтей Уайлдерга қарши ўтказишини маълум қилган.
Фикрлар