Тайсон Фьюри Владимир Кличкога мурожаат қилди
Оғир вазн тоифасида WBC, WBО, IBO, WBА Super, The Ring ва IBF йўналишлари собиқ чемпиони Тайсон Фьюри украиналик Владимир Кличкога жаҳон чемпионлиги учун курашдан 10 йил ўтиб, ҳазил билан миннатдорчилик билдирди.
"Бугун мен оғир вазн тоифасида узоқ вақт ҳукмронлик қилган Владимир Кличкони тахтдан туширганимга 10 йил тўлди. Ўша оқшом Тайсон Фьюри тарихга афсона сифатида кириб боришини айтгандим. Владимир, мен ўша ғалабани 10 йил ўтиб ҳам нишонлайман. Чунки айнан шу баҳс мени муваффақиятли ва кўп миллионли жангчига айлантирган", - деди британиялик ижтимоий тармоққа жойлаган видеода.
Эслатиб ўтамиз, Фьюри 2015 йил Кличкони ҳакамларнинг якдил қарорига кўра мағлуб этиб, оғир вазнда IBF, IBO, WBO, WBA Super ва The Ring камарларини қўлга киритганди.



Фикрлар