Телеграм асосчисини қутқариш учун UFC жангчиси етиб келди

Енгил вазн тоифасида (70 кг) иштирок этаётган арманистонлик UFC жангчиси Арман Царукян Франция пойтахти – Парижга етиб келди.

"Мен Павел Дуровни қутқариш учун келдим!"  — деган видеони Царукян ижтимоий тармоқлардаги саҳифасига жойлаштирди.

Эслатиб ўтамиз, 24 август куни кечқурун Францияда россиялик тадбиркор Павел Дуров қўлга олинган эди. Журналистларнинг фикрича, Телеграм яратувчиси маҳаллий ҳукумат билан ҳамкорлик қилишдан бош тортгани ва каналларни етарлича модерация қилмагани учун федерал қидирувга берилган, бу эса уни мессенжер ёрдамида содир этилган жиноятларга шерик қилиб қўйган.