Temur Kapadze boshchiligidagi terma jamoamiz Ukraina darvozasiga javobsiz 2 ta gol urdi va musobaqa g‘olibi bo‘ldi

Hozirgina Ukrainada tashkil etilgan Valeriy Lobanovskiy xalqaro turniridan o‘rin olgan O‘zbekiston U21 hamda Ukraina U21 terma jamoalari bahsi o‘z yakuniga etdi.

Qiziqarli kechgan uchrashuv 2:0 hisobida vakillarimizning ishonchli g‘alabasi bilan yakunlandi. Dastlab 41-daqiqada Jasur Jaloliddinov raqib himoyachisining qo‘pol xatosidan unumli foydalanib hisobni ochgan bo‘lsa, 61-daqiqada Husayn Norchaev oradagi farqni 2 taga etkazdi.

Ushbu hisob o‘yin yakuniga qadar o‘zgarmay qoldi va Temur Kapadze boshchiligidagi jamoamiz musobaqa g‘olibiga aylandi.

Valeriy Lobanovskiy xalqaro turniri

Ukraina U21 - O‘zbekiston U21 0:2

Gollar: Jasur Jaloliddinov, Husayn Norchaev