Тен Хаг: Энди жамоада асосий ҳужумчи Роналду эмас!
“Манчестер Юнайтед” бош мураббийи Эрик тен Хаг жамоа ҳужумида Криштиану Роналдуга таяниб қолмоқчи эмас.
Португалиялик юлдуз мавсумолди йиғинини ўтказиб юборгани учун ўйинларда ўзини кўрсата олмаяпти. 37 ёшли футболчи янги мавсумда голлар ҳисобини оча олгани йўқ.
Манбаларнинг таъкидлашича, нидерландиялик мутахассис жамоа ҳужумининг янги етакчиси сифатида Маркус Рэшфордни танлади. 24 ёшли футболчи ҳозирча олтита ўйинда майдонга тушиб, ўз ҳисобига учта гол ва иккита ассист расмийлаштирди.
“Манчестер Юнайтед” навбатдаги учрашувини 15 сентябрь куни Европа лигаси доирасида “Шериф”га қарши ўтказади.
Фикрлар